कार किन्नू छ भने के गर्नुहुन्छ ? सामान्य जवाफ आउँछ –बिक्रेताकहाँ गएर कार परीक्षण गर्छु । मन परे डिल फाइनल गरेर कार किनिन्छ । यसपछि बैंकबाट ऋण लिने प्रक्रिया सुरु हुन्छ । हो, टेस्ट ड्राइभिङ एउटा महत्वपूर्ण पाटो हो । सन्तुष्ट भएपछि नै कार खरिद गर्ने हो । यद्यपि यस प्रक्रियामा केही सतर्कता अपनाउनुपर्ने हुन्छ ।
कार खरिद गर्नुपूर्व गाडीको टेस्ट ड्राइभ गर्नुपर्छ । जुन कार किन्ने हो त्यसकै टेस्ट ड्राइभ गर्नुपर्छ । कारका सबै फिचरको अवलोकन गर्नुपर्छ । बिक्रेता कम्पनीले दाबी गरेअनुसार फिचर कारमा भए÷नभएको हेर्नुपर्छ ।
यदी बिक्रेताले बार्गेनिङपछि पनि गाडीको मूल्य बढाउन खोजिरहेको छ भने सजग हुनुपर्छ । त्यसबखत सोरुमबाट बाहिरिनुमा भलाइ हुन्छ । कारको न्यूनतम मूल्य र अनुमानित डिलर कस्ट पत्ता लगाउन सके बार्गेनिङ गर्न सजिलो हुन्छ । कसैको दबाबमा पर्नु हुँदैन । कार किन्ने आफू ग्राहक हो भन्ने बिर्सिनुभएन ।
कार खरिद गर्नुपूर्व पहिला राम्रोसँग अनुसन्धान गर्नुपर्छ । यसो गर्दा बिक्रेतासँग कुरा गर्दा तपाईंं जानकार हुनुहुन्छ जस्तो लागोस् । जसले गर्दा तपाईंले कुनै पनि शीर्षकमा खुलेर कुरा गर्न सक्नुहुन्छ । कुनै पनि मोडल र त्यसको फिचरबारे बृहत् जानकारी हुन्छ । यतिमात्र होइन, सकिन्छ भने उनीहरूबीचको अन्तर पनि राम्रोसँग बुझ्नुपर्छ । यसले डिलिङमा सजिलो हुन्छ ।
कार खरिदका लागि मात्रै बजेट सीमित छ भने अनावश्यक एसेसरिजमा खर्च गर्नु हुँदैन । आफ्नो लक्ष्य कार खरिदमा नै सीमित राख्नुहोस् । कोरोजन प्रोटेक्सन, पेन्ट सिलेन्ट, फ्याब्रिक प्रोटेक्सन जस्ता वस्तु पछि पनि किन्न सकिन्छ । त्यसै पनि यी त्यति जरुरी सामान होइनन् । बिक्रेताले तपाईंंलाई कन्भिन्स गराउन पूर्ण प्रयत्न गर्छन् । किनकी यो उनीहरूका लागि जरुरी हुन्छ । यसबाट तपाईंले न्यूनतम मूल्यमा कार खरिद गर्न सक्नुहुन्छ ।
आफ्नो जिम्मेवारी पूरा गरेपछि मात्रै आफूलाई कारको हकदार मान्नुपर्छ । कारसँग जोडिएको वित्तीय प्रक्रिया पूरा नभएसम्म कार चलाउनु हुँदैन । आफू सन्तुष्ट नभएसम्म कारको डेलिभरी लिनुहुँदैन ।
प्रतिक्रिया दिनुहोस !
