काठमाडौं : नयाँ शक्ति पार्टीका संयोजक तथा पूर्व प्रधानमन्त्री बाबुराम भट्टराईले सत्तासीन नेपाल कम्युनिष्ट पार्टी(नेकपा)ले शनिबार आयोजना गरेको चियापान कार्यक्रमको आलोचना गरेका छन्।
शनिबार बिहानै सामाजिक सञ्जाल ट्वीटरमा पोस्ट गर्दै उनले नेकपाको चियापान कार्यक्रमको विरोध गरेका हुन् । आफूलाई आएका निमन्त्रणा कार्ड र शुभकामना कार्डको तस्बिरसहित पोस्ट गर्दै भट्टरार्इले गरीब देशको सर्वहारावर्गको दुहाइदिने पार्टीले ५० हजारलाई भोज खुवाउने कार्यक्रम गर्नु उचित नभएको बताएका छन्।
उनले लेखेका छन्‘गरीब देशको सर्वहारावर्गको दुहाइदिने पार्टीले ५० हजारलाई भोज ख्वाउने खर्च कुनै उत्पादनको क्षेत्रमा लगानी गरेकोभए राम्रो हुन्थ्यो कि ?’
नेकपाले दसैं, तिहार, नेपाल सम्वत, छठलगातका चाडबाडको उपलक्ष्यमा शनिबार चियापान कार्यक्रम आयोजना गरेको छ । गतसाल तत्कालीन एमाले र माओवादीले चुनावी तालमेल गर्दै पार्टी एकता गर्ने घोषणा गर्दा बाबुराम भट्टराई पनि सामेल भएका थिए । पछि चुनावी टिकटका विषयमा विावद भएपछि बाबुराम गठबन्धनबाट बाहिरिएका थिए ।
प्रतिक्रिया दिनुहोस !
