वासिङ्टन : अमेरिकी राष्ट्रपति डोनाल्ड ट्रम्पले भारतलाई लक्षित गर्दै ९० वटा नयाँ उत्पादनलाई ‘ड्यूटी फ्री’ बाट हटाइदिएका छन् । त्यसमध्ये ५० वटा भारतीय उत्पादन परेका छन् ।
उनको यस्तो निर्णयलाई ‘ट्रेड वार’लाई बढावा दिएको भनी ब्याख्या गरिएको छ । अमेरिकाको यस्तो फैसलासँगै अब भारतबाट अमेरिका निर्यात गरिने सामानमाथि कर लगाइने छ । यससँगै भारतलाई आफ्नै उत्पादन निर्यात गर्न कठिनाइ आउने देखिएको छ । जब कि, अमेरिकासँग भारतको द्धिपक्षीय कारोबारमा भारतलाई नै फाइदा पुगेकाे थियाे । जसकारण भारत आफ्नो व्यापार घाटा कम गर्दै आएको थियो ।
ड्यूटी फ्री को श्रेणीबाट हटाइएका अधिकांश भारतीय सामान कृषि क्षेत्रमा आधारित हुन् । अमेरिकाले यस्ता सामान लामो समयदेखि विश्व बजारबाट खरिद गर्दै ट्याक्स फ्री गर्दै आएको थियो ।
डोनाल्ड ट्रम्प राष्ट्रपतिमा निर्वाचित भएदेखि नै यस्ता उत्पादनलाई ‘ट्याक्स फ्री’बाट हटाउँदै व्यापार घाटा कम गर्ने प्रतिवद्धता जाहेर गर्दैआएका थिए । भारत लगायत अन्य मुलुकले समेत ट्रम्प प्रशासनको यस्तो अभिव्यक्तिमा विरोध जनाउँदै आएका थिए । यसअघि अमेरिका निर्यात गर्ने ड्यूटी फ्री सामान सबैभन्दा बढी भारतले नै गर्ने भएकाले पनि अमेरिकाको यस्तो फैसलाको असर भारतलाई नै पर्ने देखिएको छ ।
भारत लगायत अन्य थुप्रै मुलुकका उत्पादनमा बढावा दिन भन्दै अमेरिकाले लामो समयदेखि ड्यूटी फ्री श्रेणीमा राखी खरिद गर्दै आएको थियो । चीनसँग अमेरिकाको ट्रेड वारले चर्को रुप लिन थालेपछि अमेरिकाले नयाँ फैसला गरेको हो ।
सन् २०१७ मा मात्रै भारतले ५ दशमलब ६ बिलियन डलर मुल्य भन्दा बढीको ड्यूटी फ्री सामान निर्यात गरेको थियो । अब अमेरिकाले निर्णय परिवर्तन गरेसँगै भारतका साना तथा मध्यम स्तरका उद्योगलाई बढी नोक्सान पर्ने बताइएको छ ।
प्रतिक्रिया दिनुहोस !
