विराटनगर : मोरङको सुन्दरहरैंचा नगरपालिका- ७ गोठगाउँका गोविन्द दुलालको घरमा शनिबार राति आगलागी भएको छ । आगलागीमा नौ लाख मुल्य बराबरको क्षति भएको प्रहरीले जनाएको छ।
एक तले घरमा विद्युत सर्ट भएर आगलागी भएको हुनसक्ने प्रहरीको अनुमान छ। आगलागीमा परेर घर पूर्णरुपमा ध्वस्त भएको छ। घरमा रहेका अन्नपात, लत्ताकपडा, नगद आगोमा परेर जलेको प्रहरीले जनाएको छ।
घरमा पालेका एक सय ५० वटा कुखुरा मरेका छन्। आगो स्थानीय बासिन्दा, दमकल र प्रहरीको सहयोगमा नियन्त्रणमा लिइएको थियो।
प्रतिक्रिया दिनुहोस !
