नयाँदिल्ली : भारतको छत्तिसगढस्थित दन्तेवाडामा माओवादी आशंका गरिएको एक समूहको हमलाबाट पाँच जनाको ज्यान गएको छ ।
चार सर्वसाधारण तथा एक केन्द्रीय औधोगिक सुरक्षा फोर्सका एक गरी पाँचको ज्यान गएको हो । उक्त फोर्सका अरु दुई पनि घाइते छन् । भारतीय प्रधानमन्त्री नरेन्द्र मोदीले सोही क्षेत्रमा चुनावी सभा तथा कार्यक्रम गर्ने मिति तय भएको दुई दिनअघि नै यहाँ बम विस्फोट गराइएको हो ।
यहाँका अधिकारीहरुले भने छत्तिसगढ क्षेत्रमा भुमिगत रहेको माओवादी समूहले विस्फोट गराएको दावी गरेका छन् । उनीहरुका अनुसार बसमा आएका मास्क लगाएको माओवादी समूहले विस्फोट गराएको हो । उक्त हमला प्रधानमन्त्री मोदीको सभा बिथोल्ने प्रयासको रुपमा पनि बताइएको छ ।
साथै यो घटना पछिल्लो १० दिनभित्र माओवादीको दोस्रो विस्फोट पनि हो । दन्तेवडा जिल्लाको बस्तरमा यस्तो घटना भएको हो । हत्या हुने तथा घाइते हुने सुरक्षाकर्मी यस क्षेत्रमा चुनावका लागि खटाइएका थिए ।
दन्तेवडामै मोदी यही नोभेम्बर ९ मा आउने कार्यक्रम थियो भने कांग्रेस आईका नेता राहूल गान्धी पनि नोभेम्बर ९ र १० मा आउने मिति तय भइसकेको थियो ।
भारतका दुर्गम जिल्लाहरुमा यद्यपि माओवादी सशस्त्र समूह भुमिगत रुपमा गतिविधि बढाउँदै आएको छ ।
प्रतिक्रिया दिनुहोस !
