मलंगवा : सर्लाहीको मलंगवा बजारमा मागेर हिड्ने मगन्ते बटुवा शुक्रबार बिहान मृत अवस्थामा फेला परेका छन्। मलंगवा वडा नं ९ मा उनी मृत अवस्थामा फेला परेको जिल्ला प्रहरी कार्यालय सर्लाहीका प्रहरी उपरीक्षक पोषराज पोखरेलले जानकारी दिए। अन्दाजी ४५ वर्षिय मगन्ते भारतीय मूलको रहेको प्रहरीले जनाएको छ।
उनी केही दिनदेखि मलंगवा बजारमा बंगाली भाषा बोलेर माग्दै हिडेको स्थानीयले जनाएका छन्। उनको मृत्यु के-कति कारणले भएको हो त्यो खुल्न सकेको छैन्। शवलाई अहिले जिल्ला अस्पताल मलंगवामा राखिएको छ। पोष्टमार्टम गरेर शबलाई सदगद गर्नका लागि नगरपालिकालाई जिम्मा लगाउने प्रहरीले जनाएको छ।
प्रतिक्रिया दिनुहोस !
