डोल्पा : गत कार्तिक १९ गते जीप दुर्घटनामा परी मृत्यु भएका १० जनाको स्मृतिमा शोकसभा मनाइएको छ ।
डोल्पाको दुनैमा मृतकहरुको ११ औँ दिनको पुण्य तिथिमा उनिहरुप्रति मैनबत्ती बालेर श्रद्धाञ्जली अर्पण गरिएको हो । नागरिक समाजको अगुवाइमा दुनै बजारको वीरेन्द्रचोकमा मृतक १० जनाको फोटोमा माल्यार्पण गरी मैनबत्ती बालेर भापूर्ण श्रद्धाञ्जली अर्पण गरियो । मौनधारण गरी मृतकहरुको आत्मको शान्तिको कामना गर्न सयौंको उपस्थिति थियो ।
दुर्घटनामा बेपत्ता रहेकी अमिना बुढा मगरको तत्काल विशेष प्रविधिको प्रयोग गरेर भए पनि खोजी गर्न नागरिकहरुले जिल्ला प्रशासन डोल्पामा तीन बुँदे माग सहित ज्ञापनपत्र पेश गरेका छन् ।
शसस्त्र प्रहरी बलको टोलीले अझै खोजी गरिरहेको बताएको छ । १९ गतेको जीप दुर्घटना मानवीय क्षतिको हिसावमा डोल्पामै अहिलेसम्म सबैभन्दा ठूलो दुर्घटना हो ।
कार्तिक १९ गते दुनैबाट सूँ पानि जाँदै गरेको भे १ च १६१० नम्बरको जीप कालागौडाको बतासे डाँडामा दुर्घटना हुँदा १० जनाको घटनास्थलमै मृत्यु भएको थियो भने एक अझै बेपत्ता छन् । दुई यात्रु घाइते छन् ।
प्रतिक्रिया दिनुहोस !
