काठमाडौँ : वाम सरकारले इजरायलबाट राजदूत निरञ्जन थापालाई फिर्ता बोलाउने निर्णय गरेकोमा राष्ट्रिय प्रजातन्त्र पार्टीले आपत्ति जनएको छ ।
पार्टीका प्रचार विभाग प्रमुख मोहन श्रेष्ठले शुक्रबार एक वक्तब्य निकाल्दै राजदूत थापालाई फिर्ता बोलाउने सरकारको निर्णयप्रति आपत्ति जनाएका हुन् ।
'नेपाल सरकारको हालै बसेको मन्त्रिपरिषद बैठकले इजरायलका लागि नेपाली राजदूत निरञ्जन थापालाई फिर्ता बोलाएको निर्णय प्रति राप्रपाको ध्यान गम्भीररुपले आकृष्ट भएको छ', श्रेष्ठले भनेका छन्, 'लामो राजनीतिक र कुटनैतिक अनुभव संगालेका थापालाई राजदूत पदबाट फिर्ता बोलाउनुको कारण सरकारले प्रष्ट पारेको छैन ।'
बिनामापदण्ड राजदूत फिर्ता र नियुक्तिले कुटनीतिक असन्तुलन कायम हुने बताउँदै राप्रपाले सरकारको दम्भपूर्ण निर्णयको विरोध गरिने पनि जनाएको छ ।
प्रधानमन्त्री केपी शर्मा ओली नेतृत्वको सरकारले राजदूत थापालाई फर्काएर इजरायलमा गायिका तथा सामाजिक अभियन्ता अञ्जान शाक्यलाई पठाउने निर्णय गरिसकेको छ।
प्रतिक्रिया दिनुहोस !
