माघ १९ देखि डीपीएल तेस्रो संस्करण : विजय डिस्टलरीको एक करोड १० लाख प्रायोजन
कात्तिक ३०, २०७५ शुक्रबार १५:६:०
काठमाडौं : धनगढी प्रिमियर लिग (डीपीएल)को तेस्रो संस्करण माघ १९ देखि फागुन ४ गतेसम्म सञ्चालन हुने भएको छ। रुस्लन धनगढी प्रिमियर लिगको तेस्रो संस्करणको मुख्य प्रायोजक विजय डिस्टलरीले एक करोड १० लाख घोषणा गरेको हो।
‘विजय डिस्टलरीको रुस्लन क्रिकेटले हाम्रो मुख्य प्रायेजकको रुपमा निरन्तरता दिएको छ। डिस्टलरीले एक करोड १० लाखको प्रायोजन गरेको जानकारी गराउँदछौँ’, शुक्रबार सार्वजनिक विज्ञप्तिमा भनिएको छ, ‘प्रतियोगितालई अझै भव्यताका रुपमा अघि बढाउने दयित्व हामीमाथि थपिएको छ। डीपीएलको तेस्रो संस्करण माघ १९ देखि फागुन ४ गतेसम्म सञ्चालन गर्ने तयारी गरेको सम्पूर्णलाई जनकारी गराउन चाहन्छौँ।’
डीपीएलका पहिलो र दोस्रो संस्करणा २०७३ र ०७४ मा सञ्चालन भएका थिए। दुवै संस्करणको विजेता टिम चौरह धनगढी हो। आयोजकले प्रतियोगिताको लागत भने पाँच करोड अनुमान गरेको छ।
प्रतिक्रिया दिनुहोस !
