काठमाडौँः रसिया विश्वकपको विजेता फ्रान्सले नेदरल्यान्ड्विरुद्धको खेलमा पराजय भोगेको छ । नेशन्स लिग अन्तरगत लिग ए समूह १ को खेलमा नेदरल्यान्ड्सले फ्रान्सलाई २–० गोलअन्रतले पराजित गरेको हो ।
जर्मनी रेलिगेसनमा परिसकेको यो समूहमा फ्रान्सलाई पराजित गर्ने क्रममा खेलको ४४ औँ मिनेटमा विज्नाल्डमले पहिलो गोल गरे । त्यसैगरी खेलको अतिरिक्त समयको छैटौँ मिनेटमा मेम्फिस डेपेले पेनाल्टीबाट गोल गर्दै २–० को जित पक्का गराए ।
बल पोजिसनमा पो नेदरल्यान्ड्सले फ्रान्सलाई निरीह बनायो । खेल अवधिभर नेदरल्यान्ड्सले ६४ प्रतिशत बल पोजिसन बनाउँदा फ्रान्स ३६ प्रतिशतमा खुम्चिएको थियो । स्टार खेलाडीहरू किलियन एम्बाप्पे, एन्टोइज ग्रिजम्यान र ओलिभर जिराउडलार्इ एक साथ अग्रपंक्तिमा उतारेको फ्रान्सले नेदरल्यान्ड्सको डिफेन्स लाइन चिर्न असफल रह्यो ।
विश्कप जितेपछि फ्रान्सको यो पहिलो हार हो । गत विश्वकप नखेलेको नेदरल्यान्ड्सले भने आफूलाई युवा टोलीका साथमा सुधार गर्र्दै लगेको छ ।
प्रतिक्रिया दिनुहोस !
