पूर्व-पश्चिम राजमार्गमा दुर्घटना, दाजुभाइसहित चारको मृत्यु
मंसिर ५, २०७५ बुधबार १६:५२:०
बुटवल : पूर्वपश्चिम राजमार्गको रुपन्देही र नवलपरासीमा भएको दुर्घटनामा चारजनाको मृत्यु भएको छ। रुपन्देहीको सैनामैनामा कार र मोटरसाइकल ठोक्किँदा दुईजनाको मृत्यु भएको छ भने नवलपरासीको सुनवलमा भएको दुर्घटनमा दुई जनाले ज्यान गुमाएका छन्।
पूर्व-पश्चिम राजमार्गअन्तर्गत सैनामैना सोरौलीमा बुटवलतर्फ आउँदै गरेको बा १६ च ८०१६ नम्बरको हाइलक्स कार र विपरित दिशातर्फ जाँदै गरेको से ४ प ७७७५ नम्बरको मोटरसाइकल ठोक्किएर दुर्घटना भएको हो।दुर्घटनामा मोटरसाइकलमा सवार दुवैजनाकै मृत्यु भएको हो।
मृत्यु हुनेमा सैनामैना नगरपालिका- १ बस्ने तिलबहादुर सुनार र खेमबहादुर सुनार रहेको प्रदेश ट्राफिक प्रहरी कार्यालय बुटवलले जनाएको छ। मृतक दुवैजना सहोदर दाजुभाइ हुन्।
त्यस्तै बुटवल- नारायणगढ सडकअन्तर्गत पश्चिम नवलपरासीको सुनवलस्थित सूर्यबस्तीमा मंगलबार राति भएको दुर्घटनामा दुई जनाको मृत्यु भएको छ भने ३९ जना घाइते छन्।
प्रतिक्रिया दिनुहोस !
