भक्तपुरमा भारतीय निर्माण उपकरण तथा प्रविधि प्रदर्शनी हुँदै
मंसिर ५, २०७५ बुधबार १८:३०:०
काठमाडाैं : काठमाडौँस्थित भारतीय दूतावासले भारतीय उद्योग महासंघसँगको सहकार्यमा यही मंसिर ६ देखि ८ सम्म तीनदिने निर्माण उपकरण तथा प्रविधि प्रदर्शनी (कनम्याक-२०१८) आयोजना गर्दैछ ।
भक्तपुरस्थित सल्लाघारीको खुल्ला मैदानमा हुने उक्त प्रदर्शनीमा JCB, L&T, Hyundai, Caterpillar, Tata Hitachi जस्ता ठूला कम्पनीसहित भारतका १ सय ५० भन्दा बढी कम्पनीहरुले आफ्ना उत्पादन तथा सेवाहरुको प्रदर्शनी गर्नेछन् । सम्भवत यो प्रदर्शनी नेपालको सबैभन्दा ठूलो निर्माण उपकरणसम्बन्धी प्रदर्शनी हुने बताइएको छ । जहाँ ४ हजार भन्दा बढी व्यापारीहरुले प्रदर्शनी अवलोकन गर्ने अपेक्षा गरिएको छ ।
भौतिक पूर्वाधार तथा यातायात मन्त्री रघुबीर महासेठले कार्यक्रमको उद्घाटन गर्ने पनि बताइएको छ । नेपालका लागि भारतीय राजदूत मंजिव सिंह पुरीसहित भारत तथा नेपालका निर्माण व्यवसायीहरु कार्यक्रममा उपस्थिति रहनेछन् ।
यसअघि पनि चलिआएको औद्योगिक सहकार्यलाई यस प्रर्दशनीले दुई देशबीचको औद्योगिकरव्यापारिक सहकार्यलाई थप प्रगाढ गर्दै दुई देशका उद्योगहरुलाई जोडने पनि अपेक्षा गरिएको छ ।
प्रतिक्रिया दिनुहोस !
