एजेन्सी : वेस्ट इन्डिजमा जारी आइसीसी टीट्वेन्टी महिला विश्पकप प्रतियोगिता अन्तर्गत सेमीफाइनलमा भारतलाई पराजित गर्दै इङ्ल्याण्ड फाइलनमा प्रवेश गरेको छ । शुक्रबार बिहान(स्थानीय समाय अनुसार बिहिबार राति) भएको खेलमा भारतमाथि ८ विकेटको जित निकाली इङ्ल्याण्ड फाइलनमा प्रवेश गरेको हो ।
टस जितेर पहिले ब्याटिङ रोजेको भारतको महिला टोलीले १९.३ ओभरमा सबै विकेट गुमाई ११२ रन बनाएको थियो । जवाफी ब्याटिङमा इङ्ल्याण्डले १७.१ ओभरमा १७ बल बाँकी छँदै २ विकेटको क्षतिमा ११६ रन बनाइ जित हात पार्यो ।
उपाधिका लागि इङ्ल्याण्डले आइतबार बिहान (स्थानीय समायअनुसार शनिबार राति) अस्ट्रेलियासँग प्रतिस्पर्धा गर्नेछ ।
स्थानीय समाय अनुसार बिहिबार राति नै भएको पहिलो सेमिफाइलन खेलमा अस्ट्रेलियाले पूर्वविजेता टोली वेस्ट इन्डिजलाई ७१ रनले हराउँदै फाइनलको यात्रा तया गरेको हो ।
सन २००९ बाट सुरु भएको टीट्वेन्टी महिला विश्पकप को यो छैटौं संस्करण हो । यसअघिका ५ विश्वकप मध्ये ३ उपाधि अस्ट्रेलियाले जितेको छ । इङ्ल्याण्ड र वेस्ट इन्डिज एक–एक पटक उपाधि जितेका छन् । 
प्रतिक्रिया दिनुहोस !
