ताप्लेजुङ : ताप्लेजुङको मेरिङ्देन गाउँपालिका-१ थिङ्लाबुमा २३ वर्षीय महिलालाई बलात्कार गरेको आरोपमा एक व्यक्ति पक्राउ परेका छन्।
गत साउन १३ गते बलात्कार गरेर फरार भएको अभियोग लागेका सोही ठाउँ बस्ने ४८ वर्षीय धनबहादुर लिम्बुलाई प्रहरीले पक्राउ गरेको हो। लिम्बुलाई हिरासतमा राखेर अनुसन्धान सुरु गरिएको जिल्ला प्रहरी कार्यालय ताप्लेजुङले जनाएको छ।
खैरो हेरोइनसहित दुई पक्राउ
खैरो हेरोइनसहित ७ जना पक्राउ परेको १ दिन नबित्दै ताप्लेजुङ प्रहरीले थप २ जनालाई पक्राउ गरेको छ। फुङलिङ बजारमा लुकिछिपी कारोबार गरिरहेको अवस्थामा बिहीबार २३० मि.ग्रा. खैरो हेरोइनसहित पक्राउ गरेको हो।
पक्राउ परेकामाथि अनुसन्धान जारी रहेकाले नाम सार्वजनिक गर्न नमिल्ने जिल्ला प्रहरी कार्यालय ताप्लेजुङका निमित्त प्रमुख लक्ष्मणबहादुर थापामगरले बताए। प्रहरीले मंसिर पाँच गते पनि खैरो हेरोइनसहित ६ जनालाई पक्राउ गरेको थियो।
प्रतिक्रिया दिनुहोस !
