कांग्रेस विधान मस्यौदामा तीन नेताको फरक मत
काठमाडौं : केन्द्रीय समितिका सदस्यहरुलाई विधान मस्यौदा बाँडेर नेपाली कांग्रेस केन्द्रीय समितिको बैठक सकिएको छ । आइतबार पार्टी मुख्यालय सानेपामा बसेको बैठकमा विधान मस्यौदा समितिका संयोजक तथा कांग्रेस महामन्त्री पूर्णबहादुर खड्काले विधान मस्यौदा पेस गरेका छन् ।
केन्द्रीय सदस्यहरुलाई मंसिर १३ गतेसम्मका लागि मस्यौदा अध्ययन गर्ने समय दिइएको छ । १३ गते बस्ने केन्द्रीय समिति बैठकमा मस्यौदाबारे छलफल हुने र त्यसलाई अन्तिम रुप दिइने विधान मस्यौदा समितिका प्रवक्ता रमेश लेखकले जानकारी दिए ।
उक्त मस्यौदा आगमी मंसिर २८ देखि पुस ३ गतेसम्म काठमाडौंमा हुने कांग्रेस महासमिति बैठकमा पेश हुनेछ। विधान मस्यौदामा समिति सदस्य प्रदीप पौडेल, मिनेन्द्र रिजाल र नवीन्द्रराज जोशीले फरक मत पेश गरेका छन् ।