काठमाडौं : युनाइटेड अरब इमिरेट्स (युएई) जारी क्रिकेटको सबैभन्दा छोटो स्वरूपको प्रतियोगिता टी–१० क्रिकेट लिग अन्तर्गत सोमबार आफ्नौ चौथो खेलमा नेपालका युवा क्रिकेटर सन्दीप लामिछानेले पहिलो पटक ब्याटिङको मौका पाएका छन् ।
ब्याटिङको मौका पाए पनि उनले राम्रो रन बनाउने अवसर भने पाएनन् । अन्तिम नम्बरमा ब्याटिङमा आएका सन्दीप १ बलमा १ रन बनाउँदै नटआउट रहे । उनीअघि ब्याटिङमा आएका भारतीय खेलाडी रितिन्दर सोधी १० औं विकेटको रुपमा आउट भएपछि सन्दीपले थप ब्याटिङ गर्ने मौका पाएनन् ।
यस अघिका खेलमा राम्रो बलिङ गरी विकेट लिएका सन्दीपले यस प्रतियोगितामा प्रभाव देखाउनन सकेनन् । २ ओभरमा २८ रन दिएका उनले कुनै विकेट लिन सकेनन् ।
यस अघिका ३ खेलमा सन्दीपले क्रमशः ३, १ र २ गरी ६ विकेट लिइसकेका छन् ।
सोमबार पञ्जाव लेजेन्ड्ससँग प्रतिस्पर्धा गरेको सन्दीप आवद्ध टोली केरला किंग्सले ३६ रनको हार व्यहो¥यो। केरलाले टस जितेर बलिङ रोजेपछि ब्याटिङमा उत्रिएको पञ्जावले १० ओभरमा ५ विकेट गुमाउँदै १०७ रन बनाएको थियो । १०८ रनको विजय लक्ष्य पाएको केरलाले ८.२ ओभरमा ७१ रन बनाउँदा सबै विकेट गुमायो ।
प्रतिक्रिया दिनुहोस !
