भावी प्रधानन्यायाधीशका लागि दुई न्यायाधीशको रेकर्ड संवैधानिक परिषदमा
मंसिर ११, २०७५ मंगलबार १५:५५:०
काठमाडौं : न्यायपरिषदले भावी प्रधानन्यायाधीशका लागि दुई न्यायाधीशको व्यक्तिगत विवरणसहितको रेकर्ड संवैधानिक परिषदमा पठाएको छ। प्रधानन्यायाधीश ओमप्रकाश मिश्रले उमेर हदका कारण अवकास पाउने भएपछि नयाँ प्रधानन्याधीश नियुक्तिको प्रक्रिया सुरु भएको हो ।
मिश्र यही पुष १७ गतेबाट सेवा निवृत्त हुदै छन् ।रिक्त हुने पदमा न्यायपरिषद सचिवालयले सर्वोच्च अदालतको स्थायी न्यायाधीश भएर ३ वर्ष काम गरेका दीपकराज जोशी र चोलेन्द्र शमसेर जबराको विवरण संवैधानिक परिषदमा पठाएको छ।
यस अगाडि प्रस्तावित प्रधानन्यायाधीश दीपकराज जोशीको नाम संसदीय सुनुवाइ समितिको दुईतिहाइ बहुमतबाट अस्वीकृत भएको थियो ।
संसदीय सुनुवाइ विशेष समितिबाट प्रधानन्यायाधीशमा अनुमोदन नभएपछि बिदा बसेका जोशी नवनियुक्त प्रधानन्यायाधीश ओमप्रकाश मिश्रको पदवहालीसँगै सर्वोच्च फर्केका थिए।
प्रतिक्रिया दिनुहोस !
