गाईघाट : उदयपुरको बेलका नगरपालिकामा बुधबार मोटरसाइकलको ठक्करबाट एक पैदल यात्रीको मृत्यु भएको छ। नदाहा–कोसीपुल–रुपनगर सडकखण्ड अन्तर्गतको बेलका नगरपालिका–१ आमबासीमा मोटरसाइलको ठक्करबाट पैदलयात्रु चौदण्डीगढी नगरपालिका–४ का ५५ का वर्षीय सरोज तामाङको मृत्यु भएको हो।
जिल्ला प्रहरी कार्यालयका प्रहरी नायब उपरीक्षक अर्जुन रानाभाटका अनुसार सप्तरीको फत्तेपुरबाट उदयपुरको रामपुरतर्फ आउँदै गरेको को.२९.प.४४३० नम्बरको मोटरसाइकलको ठक्करबाट तामाङ घाइते भएका थिए। उपचारका लागि विपी कोइराला स्वास्थ्य विज्ञान प्रतिष्ठान धरान लैजाँदै गर्दा बाटोमै तामाङको मृत्यु भएको हो।
दुर्घटनामा गम्भीर घाइते भएका मोटरसाइकल चालक हरिचन्द्र राईको विपी कोइराला स्वास्थ्य विज्ञान प्रतिष्ठान धरानमा उपचार भइरहेको प्रहरीले जनाएको छ।
प्रतिक्रिया दिनुहोस !
५
