विराटनगर : मोरङको पथरीशनिश्चरे नगरपालिका- १० मा टिपरको ठक्करबाट मंगलबार साँझ मोटरसाइकल चालकको मृत्यु भएको छ। पश्चिमबाट पूर्वतर्फ जाँदै गरेको बा ६४ प १९९९ नम्बरको मोटरसाइकललाई सोही दिशाबाट जाँदै गरेको को १ ख ५७५२ नम्बरको टिपरले पछाडिबाट ठक्कर दिएको थियो।
दुर्घटनामा परेर गम्भीर घाइते भएका मोटरसाइकल चालक झापाको मेची नगरपालिका १२ धाईजनका ३० वर्षीय पदम राजवंशीको मृत्यु भएको हो। राजवंशीको उपचारका क्रममा उर्लाबारीस्थित मंगलबार राति अस्पतालमा मृत्यु भएको प्रहरीले जनाएको छ।
टिपर र चालकलाई नियन्त्रणमा लिएर घटनाको अनुसन्धान सुरु गरिएको जानकारी प्रहरीले दिएको छ।
प्रतिक्रिया दिनुहोस !
