काठमाडौं : अर्जेन्टिनाको ब्यूनस एरिसमा शुक्रबारको जी–२० सम्मेलनतिर विश्व समुदायको ध्यान तानिएको छ । अमेरिकी, चिनियाँ र रुसी राष्ट्रपतिहरुको उपस्थितिलाई यहाँ विशेष चासो दिइएको छ ।
साउदी राजकुमार र मोदीबीच भेटवार्ता :
अर्जेन्टिनामा साउदी राजकुमार मोहम्मद बीन सलमानले भारतीय प्रधानमन्त्री नरेन्द्र मोदीसँग भेटवार्ता गरेका छन् । वार्ताको क्रममा दुई देशबीच सुरक्षा, उर्जा, लगानीमा सहकार्य गर्ने बारे छलफल भएको थियो ।
अर्जेन्टिनाको ब्युनस एरिसस्थित राजभवनमा भएको भेटवार्तामा साउदी राजकुमार सलमानले भारतलाई चाहिने सबै तेल तथा पेट्रोलियम उत्पादन बितरणको लागि आफूहरु तयार रहेको बताएका थिए । सौर्य उर्जामा लगानी गर्न पनि उनीहरुबीच सहमति भएको बताइएको छ ।
सलमानको विरोध :
पत्रकार जमल खसोग्गीको हत्यामा संलग्न भन्दै आलोचित बनेका साउदी राजकुमार मोहम्मद बीन सलमानको यहाँ पनि विरोध भएको छ । उनको उपस्थिति अघि नै अर्जेन्टिनामा ब्यापक विरोध भएको थियो ।
सलमानको तस्बिर सहित प्लेकार्ड देखाउँदै युवाहरुले सार्वजनिक स्थलमा उनलाई अर्जेन्टिनामा आउन प्रतिबन्ध लगाइनुपर्ने आवाज उठाएका थिए ।
सम्मेलनमा भने बेलायती प्रधानमन्त्री थेरेसा मेले साउदी राजकुमारबारे बोल्नसक्ने बुझिएको छ । पत्रकार खसोग्गीको हत्या तथा यमनको अवस्थाबारे विषय उठाउँदै सलमानमाथि मे ले प्रश्न उठाउने बुझिएको हो ।
प्रतिक्रिया दिनुहोस !
