बेइजिङ : कुनै मान्छे, जसको दुबै हात गुम्यो भने उसँग कस्तो विकल्प होला ? बाँच्नका लागि उसले गर्ने संघर्ष कस्तो हुने छ ?
सुन जिफा नामका एक चिनियाँ नागरिकको भोगाइ भने अनौठो र प्रेरणादायी छ । ४० वर्षअघि दुबै हात गुमाएका सुन अहिले ‘आइरनम्यान’को उपमाबाट चिनिन्छन् ।जसले आम मान्छे झैँ मोबाइल फोन चलाउँछन्, गहुँगो भारी बोक्छन् र आम मान्छेले पनि गर्न नसक्ने काम उनीबाट सम्भव छ ।
उत्तरी चीनको जिलिन प्रान्तमा हालै आफैँले सृजना गरेको नक्कली हातको सर्टिफिकेट पनि ग्रहण गरे उनले । यसबीचमा ६५ वर्षे सुनले हजारौं अपांगका लागि यस्ता हात आफैँले सुरु गरेको ‘वर्कसप’मा बनाएर वितरण गरिसकेका छन् ।
पूर्वसैनिक सुनले सन् १९८० मा भएको एक दुर्घटनामा आफ्ना दुबै गुमाएका थिए । जुन जीवनकै दुखद् क्षणको रुपमा ठान्छन् उनी । जब कि, खान, पिउन, कपडा लगाउन पनि आमा र श्रीमतिको सहारा लिनुपर्ने भयो उनलाई ।
दुख र पीडाले गर्दा केही पटक त आत्महत्या पनि गर्नेबारे सोचका थिए रे । तर श्रीमतिको ढाडसले गर्दा जीवन जिउनेबारेमा सोचेको बताउँछन् । बिस्तारै उनले आफ्ना हात आफैँ बनाउने उपायबारे सोच्न थाले ।
एक दिन उनले रबर जोडिएको उनको बाँकी रहेको पाखुराको सहाराले चम्चा बंग्याउन कोसिस गरे । तर केही शीप लागेन । अरु फलामका चिजविज बंग्याउने वा प्रयोग गर्ने अनेक उपाय खोज्दै थिए उनी ।
फलामको हात निर्माण नगरुन्जेल सुनले थुप्रै प्रयास गरे । अन्ततः फलामका नक्कली हात बनाएरै छोडे । सुनका छिमेकी सुन फोङ्जियनका अनुसार ‘उनका फलामे हातले धेरै काम गर्न सक्छन् । काठ चिर्न सक्छन् । घन हातैले समातेर किला ठोक्न सक्छन् ।’
उनका दुबै हात अहिले सग्लै देखिन्छन् । र आम मान्छेले झैँ नियमित काम गर्न सक्छन् । केही त अन्यले भन्दा पनि धेरै काम गर्न सक्छन् । उनले पाचौँ पटकसम्म आफ्नो हात बनाउने तरिका परिमार्जन गरेर अन्ततः यसको प्रमाणपत्र पनि ग्रहण गरिसकेका छन् । अनौठो कृत्रिम हात निर्माण गर्न सकेको भनी उनलाई हालै प्रमाणपत्र पनि दिइएको हो । सुनका नाती सुन वाङ्ग भन्छन्, ‘उनी मेरा आइरनम्यान हुन् ।
प्रतिक्रिया दिनुहोस !
