इक्वेडर : इक्वेडरस्थित बेलायती दूतावासमा ६ वर्षयता निर्वासित जीवन बिताउँदै आएका विकिलिक्सका संस्थापक जुलियन असान्जले पछिल्लो केही समययता दबाव महसुश गर्न थालेको बुझिएको छ ।
निर्वासनमा रहेका उनले त्यस ठाउँ छोड्नुपर्ने दबाव भएको केही अभिव्यक्ति नै दिन थालेका छन् । असान्जले इक्वेडरले आफूलाई अमेरिकालाई हस्तान्तरण गर्न खोजेको बताएका छन् । जब कि, उनीविरुद्ध अमेरिकामा आपराधिक मुद्दा लगाउने तयारी भइरहेको छ ।
बेलायत सरकारले पनि यदी उनले दूतावास छोडेको खण्डमा उनी समातिने बताएको छ । इक्वेडरका राष्ट्रपति लेनिन मोरेनोले भने जुलियन असान्जका लागि बाहिरिनको लागि बाटो खुला रहेको बताएका छन् । मोरेनोले यदी असान्जले चाहेको खण्डमा इक्वेडरस्थित बेलायती दूतावास छोड्न सक्ने भन्दै उनी स्वतन्त्र रहेको बताएका हुन् ।
‘असान्जका लागि स्वतन्त्र भएर बाहिरिनको लागि बाटो खुल्लै छ,’ स्थानीय रेडियोसँग अन्तरवार्तामा इक्वेडरका राष्ट्रपति मोरेनोले भने ।
प्रतिक्रिया दिनुहोस !
