ईपीएलमा अचम्म : खेलाडीकाे छक्का प्रहारले आयोजकको गाडीको सीसा नै फुट्यो !
मंसिर २८, २०७५ शुक्रबार १३:४४:०
काठमाडौं : त्रिविवि मैदान किर्तीपुरमा जारी ईपीएल खेलमा विराटनगर वारियर्सका खेलाडी बाबर हायातको ब्याटिङबाट आयोजक जोहोरा स्पोर्टस्का प्रवन्ध निर्देशक आमिर अख्तरको गाडीको सीसा नै फुटेको छ ।
चितवन टाइगर्सका खेलाडीको बलिङ सामना गरिरहेका खेलाडी बाबरले छक्का प्रहार गर्दा पार्किङमा रोकिराखेको आमिरको गाडीको अगाडिको भागको सीसा नै फुटेको हो ।
विराटनगर वारियर्स र चितवन टाइगर्सबीचको खेल चितवनले ५ रनले जित्दै सम्पन्न भएको छ । हङकङका नागरिक बाबर हायातले चितवन टाइगर्सविरुद्धको आजको खेलमा ९० रन पुर्याएका थिए ।
प्रतिक्रिया दिनुहोस !
