अपडेट : मिनीट्रक भीरमा खस्दा १८ को मृत्यु, तीनजनाको सनाखत
मंसिर २८, २०७५ शुक्रबार २१:२८:०
नुवाकोट : जिल्लाको उत्तरपुर्वी भेगस्थित घ्याङफेदीको घ्याङडाँंडामा शुक्रवार बेलुकी मिनिट्रक दुर्घटना हुँदा ज्यान जानेको संख्या १८ पुगेकोे छ । दुर्घटनामा ज्यान गुमाएका तीनजनाको पहिचान खुलेको छ ।
कच्ची सडकबाट खसेर भएको दुर्घटनामा तीन महिलासहित १८ जनाको ज्यान गएको छ । दुर्घटनामा २० जना घाइते भएको उद्धारमा संलग्न दुप्चेश्वर गाउंपालिकाका अध्यक्ष योविन्द्रसिह तामाङले बताए । उनका अनुसार उद्धारमा चिसो मौसम भीर बाधक रहेको छ ।
दुर्घटनामा शिखरबेँसीका १६ वर्षीय रितेश पण्डित, घ्याङफेदीको सिसिपुका ३५ वर्षीय रिवल तामाङ र ४० वर्षीय आइत तामाङ रहेको अध्यक्ष तामाङले बताए ।
सदरमुकाम विदुरदेखि ५० किलोमिटर पुर्वमास्थित दुप्चेश्वर गाउँपालिका–१ घ्याङफेदीस्थित घ्याङडाँंडामा शुक्रवार बेलुकी खचाखच यात्रु भएको बा३ख ३९१३ नम्बरको आइचर दुर्घटना हुंँदा त्यसमा यात्रारत तीन महिलासहित १८ यात्रुको ज्यान गएको हो ।
दुर्घटनालगत्तै स्थानीयवासीले उद्धार गरेका थिए । दुर्घटनाको चार घण्टापछि मात्र सुरक्षाकर्मीको टोली पुगेको थियो । घाइतेहरुको उद्धार र शव संकलन गर्न पाँच घण्टा भन्दा बढी समय लाग्ने उद्धारकर्मीहरुले बताएका छन् । कच्ची र साँघुरो सडकमा क्षमताभन्दा बढी यात्रु बोकेकाले दुर्घटना भएको प्रारम्भिक अनुमान गरिएको छ ।
प्रतिक्रिया दिनुहोस !
