अभिनेता रणवीर कपुर र नायिका आलिया भट्ट अहिले बलिउडमा चर्चाको विषय बनेका छन् । रणवीर र आलिया मात्रै नभई दुवैका परिवारसमेत यी जोडीको सम्बन्धमा खुसी छन् । रणवीरले आलियालाई परिवारको नजिक ल्याउन उनलाई आफ्नो फेमिली च्याट ग्रुपमा पनि सामेल गरिसकेका छन् । रणवीरले यो ग्रुपमा ऋषि कपुर, नीतु कपुर, रिद्धिमा कपुर साहनी र रीमा जैनलाई समावेश गरेका छन् ।
रणवीरको यो कदमले आलिया चाँडै नै कपुर खानदानको बुहारी बन्दैछिन् भन्ने अड्कल गर्न सकिन्छ । आलियालाई रणवीरको पारिवारिक भोजमा पनि कैयौंपटक देखिसकिएको छ । केही समयपहिले उनी रणवीरका पिता ऋषि कपुरलाई भेट्न लन्डनसमेत पुगेकी थिइन् । उनकी आमा सोनी राजदानले कपुरसँग उनको सम्बन्ध करिब पक्का भइसकेको बताएकी छन् ।
त्यसैगरी आलियाका पिता महेश भट्टले पनि आफूलाई रणवीर मन परेका कारणले यो सम्बन्ध अगाडि बढाउने बारेमा बताएका थिए । फिल्म ‘ब्रह्मास्त्र’को सेटमा यी दुई नजिकिएका हुन् । यसैको छायांकन अवधिमा यी दुईबीच प्रेमसम्बन्ध गाँसिएको थियो ।
प्रतिक्रिया दिनुहोस !
