सिमकोट : सर्केगाड गाउँपालिका–७ को पानीमूलस्थित आगलागी हुँदा दुईवटा घर जलेर नष्ट भएका छन् ।
आगलागीबाट स्थानीय असौजे जैशी र प्रेमप्रसाद जैशीको घर जलेर पुर्णरुपमा नष्ट भएका हुन् । आगलागीले दुवै घरमा राखिएको अन्न, जिन्सी लगायत सामान जलेर नष्ट भएको हो ।
आगलागी सुरु भएको एक घण्टाकै अवधिमा दुबै घर जलेका हुन् । पानी अभावका कारण आगलागी नियन्त्रणमा लिन कठिन भइरहेको छ । गाउँमा एउटा घरबाट सल्केको आगो फैलिएर ठूलो रुप लिएको हो ।
घटनास्थलबाट नजिकै रहेको प्रहरी चौकी समेत ५ घण्टा दूरीमा पर्ने सर्केगाढमा मात्रै छ । आगलागीबाट मानवीय क्षति नभए पनि ठूलो रकमबराबरको धनमाल नष्ट भएको बताइएको छ । तर क्षतिको यकिन भएको छैन ।
प्रतिक्रिया दिनुहोस !
