बाजुरा : बडिमालिका नगरपालिका ७ मा वृद्धवृद्धा र बालबालिकालाई न्यानो कपडा वितरण गरिएको छ। वडा अध्यक्ष धर्मराज पाध्यायको पहलमा वडामा रहेका वृद्धवृद्धा र बालबालिकालाई चिसोबाट बच्न न्यानो कपडा वितरण गरिएको हो।
मौसम परिवर्तन भएसँगै जिल्लामा पनि चिसो बढ्दै गएको छ।चिसोबाट बच्नका लागि बाजुराको बडीमालिका नगरपालिका-७ मा मंगलबार एक कार्यक्रमका बीच न्यानो कपडा वितरण गरिएको वडाध्यक्ष पाध्यायले बताए।
नगरपालिकाको रहेका आठ टोलका ४० वृद्धवृद्धालाई कम्मल र २३ बालबालिकालाई ज्याकेट र सुरुवाल वितरण गरिएको हो। जिल्ली, माउलेख, सिराडी, पोखरा, रजातोली, ढम्कने गरी आठ टोलका ज्येष्ठ नागरिक वृद्धवृद्धालाई न्यानो कपडा वितरण गरिएको वडा अध्यक्ष पाध्यायले जानकारी दिए।
बडिमालिका नगरपालिका-७ को सहयोग र समाजसेवी दयाराम अग्रवालको समन्वयमा ६३ जनालाई न्यानो कपडा वितरण गरिएको हो। न्यानो कपडा वितरण कार्यक्रममा अध्यक्ष पाध्यायले वडापालिकाको सक्रियता, समाजसेवी दयाराम अग्रवाल र विभिन्न सहयोगी संस्थाको सहयोगबाट न्यानो कपडा वितरण गरिएको बताए।
प्रतिक्रिया दिनुहोस !
