निर्मलाको हत्यारा खोज्न सरकारले चाहेकै छैन : प्रकाण्ड
पुष ११, २०७५ बुधबार २०:२७:०
धनगढी : नेत्रविक्रम चन्द ‘विप्लव’ नेतृत्वको कम्युनिष्ट पार्टीका प्रवक्ता खड्कप्रसाद विश्वकर्मा ‘प्रकाण्ड’ ले निर्मला पन्तका हत्यारालाई सरकारले खोज्न नचाहेको बताएका छन् ।
चिनियाँ कम्युनिष्ट नेता माओ त्सेतुङको १२५ औं जन्मदिनको अवसरमा बुधबार धनगढीमा भएको कार्यक्रममा बोल्दै प्रकाण्डले यस्तो बताएका हुन् । जनप्रर्दशन सभालाई सम्बोधन गर्दै नेता प्रकाण्डले सरकारले हत्यारालाई खोज्न चाहेमा हप्ता दिनभित्रै खोज्नसक्ने दावी गरे ।
‘दिनदहाडै बालिकाहरु बलात्कृत भएका छन्’, उनले भने, ‘बलात्कारीहरुलाई सरकारले नै संरक्षणमा राख्ने गरेको छ । अनि कहाँबाट निर्मलाको हत्यारा पत्ता लाग्छ ।’
मुलुकमा धेरै आन्दोलन भए पनि तिनले निकास नपाउँदा जनतालाई धोका भएको भन्दै प्रकाण्डले आक्रोश व्यक्त गरे । साथै दलाल र पुँजिपतिको हातमा मुलुक फसेको उनको गुनासो छ ।
प्रतिक्रिया दिनुहोस !
