राजविराज : सप्तरीको विष्णुपुर गाउँपालिकामा फेरि आगलागी भएको छ ।
आज बिहान बिद्युत सर्ट भइ आगलागी हुँदा चार लाख मूल्य बरावरको क्षति भएको बताइएको छ । वडा नम्बर ७ बस्ने रामनारायण रामको घरमा बिद्युतको तार सर्ट भइ रामको एकतल्ले कच्ची घर र घरभित्र रहेका अन्नपात, लत्ताकपडा, भाँडावर्तन, काठपात पूर्ण रुपमा जलेर नष्ट भएको सप्तरी प्रहरीले जनाएको छ ।
आगलागीबाट तीनवटा खसी, एउटा गाई र एउटा बाछा समेत जलेर घाइते भएको जिल्ला प्रहरी कार्यालयका एसपी राजेन्द्र विष्टले बताए ।
यस्तै छिन्नमस्ता गाउँपालिका–३ सखडास्थित रहेको सुर्यनारायण चौधरीको समिलमा शुक्रबार बिहान अचानक आगलागी हुँदा मिलमा रहेको काठको दाउरा र मेसीनहरू जलेर नष्ट भएको छ ।
आगलागीबाट अन्दाजी एक लाख पचास हजार मूल्य बराबरको क्षती भएको सप्तरी प्रहरीले जनाएको छ । यही सातामा कालिकाेट र झापामा दुई ठूला आगलागीका घटना भएका छन् । आगलागीबाट ठूलो धनको क्षति भएको छ ।
प्रतिक्रिया दिनुहोस !
