२०१८ मा विवाह गर्ने बलिउड जाेडी

दीपिका–रणवीर

अभिनेत्री दीपिका पादुकोण र अभिनेता रणवीर सिंहले यही वर्षको नोभेम्बर १४–१५ मा इटलीको लेक कोमोमा बिहे गरेका थिए। उनीहरूले सिन्धी र कोंकणी रीतिरिवाजले दुई पटक बिहे गरेका थिए। विवाहका सबै कार्यक्रम गोप्य राखिएका थिए। बिहेका लागि लेक कोमो एक साताका लागि बाहिरी मान्छेका लागि बन्द गरिएको थियो। भारत फर्किएपछि यो जोडीले तीनटा रिसेप्सन दिएको थियो। एउटा दीपिकाका आफन्तका लागि बैंगलुरुमा र बाँकी दुई मुम्बईमा राखिएका थिए। 

प्रियंका–निक

अभिनेत्री प्रियंका चोपडा र अमेरिकी गायक निक जोनासले भारत, जोधपुरको उम्मेदभवनमा डिसेम्बर १–२ मा बिहे गरेका थिए। यो जोडीले हिन्दू र इसाई रीतिरिवाजले बिहे गरेको थियो। बिहेपछि उनीहरूले डिसेम्बर ४ मा दिल्लीमा रिसेप्सन पार्टी राखेका थिए। जसमा भारतीय प्रधानमन्त्री नरेन्द्र मोदी नवविवाहित जोडीलाई शुभकामना दिन पुगेका थिए। प्रियंका र निकले आफन्त र बलिउड सेलिब्रिटीका लागि मुम्बईमा पनि बिहेको पार्टी दिएका थिए। 

सोनम–आनन्द
अभिनेत्री सोनम कपुरले आफ्ना ब्वाइफ्रेन्ड व्यवसायी आनन्द आहुलासँग मे ९ मा लगनगाँठो कसेकी हुन्। शिख रीतिरिवाजले उनीहरूले बिहे गरे। बिहेमा कपुर परिवारबाहेक बलिउड सेलिब्रिटी सहभागी भएका थिए।

नेहा–अंगद
अभिनेत्री नेहा धुपियाले आफ्ना ब्रेस्ट फ्रेन्ड अंगद बेदीलाई यसै वर्ष आफ्नो जीवनसाथी बनाइन्। उनीहरूले शिख रीतिरिवाजले विवाह गरे। लामो समयदेखि प्रेम सम्बन्धमा रहेका नेहा र अंगदले गुपचुप बिहे गरेका थिए। यसरी हतारमा बिहे गर्नुको कारण नेहा गर्भवती भएको अनुमान लगाइए पनि यो जोडीले अस्वीकार गर्दै आएको थियो। तर, पछि अनुमान सही भयो। नेहाले बिहेको सात महिनामा छोरी जन्माएकी थिइन्।