महोत्तरी : प्रहरीले महोत्तरीको सम्सीबाट एक थान हतियार बरामद गरेको छ। खेतको झाडीमा लुकाएर राखेको नलकटुवा पेस्तोल प्रहरीले बरामद गरेको जिल्ला प्रहरी कार्यालय महोत्तरीका डीएसपी खगेन्द्रबहादुर खड्काले जानकारी दिए।
स्थानीय सतेन्द्रप्रसाद साहको खेतको झाडीमा कटुवा पेस्तोल भेटिएको हो। सम्सी गाउँपालिका-७ स्थित लुकाइराखेको पेस्तोल विशेष सूचनाको आधारमा सम्सीबाट गएको सशस्त्र प्रहरी र नेपाल प्रहरीको टोलीले हतियार फेला पारेका थिए।
अपराधिक क्रियाकलापमा प्रयोग गर्न हतियार ल्याएको हुन सक्ने वा प्रयोग गरेर लुकाइराखेको हुनसक्ने प्रहरीले जनाएको छ। हतियार कसले राखे भन्ने बिषयमा थप अनुसन्धान भइरहेको प्रहरीले जनाएको छ।
प्रतिक्रिया दिनुहोस !
