डेनमार्क : डेनमार्कमा बुधबार भएको एउटा रेल दुर्घटनामा कम्तिमा ६ को मृत्यु भएको छ । यो दुर्घटनामा अन्य कयौँ घाइते र हताहत भएको आशंका गरिएको छ। दुर्घटना डेनमार्कको जील्याण्ड र फिनिया टापुहरु जोड्ने पुलमा भएको हो। त्यो पुल डेनमार्कको एक प्रमुख सडकमा पर्दछ। मृत्यु हुनेहरु सबै रेलका यात्रु भएको बुझिएको छ।
फियोनल्याण्डबाट जिल्याण्ड टापुका लागि बिहान करिब ८ बजे एक सय ३१ यात्रुसहित तीन चालक दल बोकेको रेल र बिपरीत दिशाबाट आएको मालवाहक रेलको छत एकापसमा ठोक्किँदा दुर्घटना भएको हो।
दुर्घटनापछि सबै यात्रुलाई उद्धार गरी नैबोर्ग स्पोर्ट्स सेन्टरमा लगिएको छ । घाइतेहरुको संख्या अझै यकिन भइनसकेको स्थानीय प्रहरीले जनाएको छ । आँधी र बर्षाले उद्धारमा थप कठिनाई भएको अधिकारीहरुले जनाएका छन्।
प्रतिक्रिया दिनुहोस !
