काठमाडौं : संयुक्त राष्ट्रसंघका लागि पूर्व उपमहासचिव कुलचन्द्र गौतमको संस्मरणात्मक कृतिलाई अमेरिकाको एक प्रसिद्ध विश्वविद्यालयले आफ्नो पाठ्यक्रममा समावेश गर्ने भएको छ ।
अमेरिकाको म्यासाचुसेट्सस्थित ‘बेन्ट्ली युनिभर्सिटी’ले गौतमको नयाँ पुस्तक ‘ग्लोबल सिटिजन फ्रम गुल्मी’लाई ‘एमबिए’ अध्ययनरत विद्यार्थीका लागि पाठ्यक्रममा समावेश गर्ने बताएको हो ।
पुस्तकलाई बजारमा ल्याउने प्रकाशक संस्था नेपालयले विज्ञप्ति निकाल्दै यस्तो बताएको हो । बेन्ट्ली विश्वविद्यालयका प्राध्यापक डोनाल्ड म्याकनेमरले ‘गौतमको आत्मबृतान्त गहन र बृहत’ भन्दै पुस्तकमाथि टिप्पणी गरेका छन् ।
गौतमले पुस्तकमा दुर्गम गाउँको पढाइ र सिकाइका साथै अन्तर्राष्ट्रिय मञ्चमा पाएको अनुभव सार्वजनिक गरेका छन् । उनको संघर्ष र उपलब्धि विश्वविद्यालयका विद्यार्थीका लागि प्रेरणादायी बन्नसक्ने भन्दै पाठ्यक्रममा राखेको बताइएको छ ।
प्रतिक्रिया दिनुहोस !
