सरकारले संविधानलाई पन्छायाे : प्रकाशमान सिंह
काठमाडौं : नेपाली काँग्रेसका नेता प्रकाशमान सिंहले सरकारमाथि जनताको विश्वसनीयता घट्दै गएको बताएका छन् । संसदीय समितिले आफ्नो प्रतिवेदन नै नबुझाइ आत्तिएर रातारात कानुन विपरित समिति बनाउन लागि परेको उनको आरोप छ ।
यसले संसदीय अभ्यास र अधिकार क्षेत्रलाई नै प्रभावित पार्ने काम गरेको भन्दै त्यसप्रति उनले रोष प्रकट गरे ।
४३ औँ राष्ट्रिय मेलमिलाप दिवसका अवसरमा नेपाली काँग्रेस काठमाडौँ महानगरपालिका–२६ ले आयोजना गरेको कार्यक्रममा नेता सिंहले दुई तिहाईको सरकारले संविधानलाई पन्छाएर अगाडि बढ्न खोजेको पनि बताए ।
‘सरकार दुई तिहाईको बलमा कानुनभन्दा माथि उठेर मुद्दा लगाएको रेशम चौधरीलाई सपथ खुवाइरहेको छ,’ उनले भने । सरकारले मुद्दा चलेको व्यक्तिलाई राजनीतिक फाइदाका लागि कानुन मिचेर सपथ खुवाएको उनको तर्क छ । नेता सिंहले वाइडबढी किनबेचमा भएको घोटलाबारे सरकार डराएर छानविनका लागि कानुनविपरित नयाँ समिति गठन गरेको पनि उनको आरोप छ ।
पूर्व उपप्रधानमन्त्री सिंहले सरकारले कानुन विपरित एकपछि अर्को काम गर्नुले पनि सरकारको विश्वसनीयता घटेको बताएका थिए ।