कालिकोट : खाँडाचक्र नगरपालिका–४ निवासी रिउका कामीले ८१ वर्षको उमेरमा नेपाली नागरिकताको प्रमाणपत्र लिएकी छन् ।
सदरमुकाम मान्मकी बासिन्दा भए पनि परिवारका सबै सदस्यसँगै भारतको हिमाञ्चल बस्दै आएकाले यसअघि नागरिकता लिन पाएकी थिइनन् । रिउकाले पहिलो पटक ८१ वर्षको उमेरमा नेपाली नागरिकतासँगै मतदाता नामावलीमा पनि नाम दर्ता गराइन् ।
छोरा मोतीका अनुसार लामो समयदेखि भारतमा बसेकाले नागरिकता लिने अवसर नमिलेको हो । नागरिकता नहुँदा यसअघि बृद्धभत्ता लगायत नेपाली नागरिकले पाउने सेवा सुविधाबाट बञ्चित रहेको मोती बताउँछन् ।
एक महिनाअघि नेपाल आएको मौकामा नागरिकता लिएको रिउकाले बताएकी छन् । मंगलबार सहायक प्रमुख जिल्ला अधिकारी राजकुमार दुलालले नागरिकताको प्रमाणपत्रमा हस्ताक्षर गर्दै रिउकालाई हस्तान्तरण गरेका हुन् ।
उनका अनुसार जिल्लाका ग्रामिण स्तरका केही बृद्ध बुद्धाहरुले अझै नागरिकता पाएका छैनन् । आमाको नागरिकता कम प्रयोगमा आउने भएकाले जिल्लाका दुर्गम ठाउँका महिला नागरिकता लिन नआउने गरेको दुलाल बताउँछन् ।
प्रतिक्रिया दिनुहोस !
