बाजुरा : बुढीनन्दा नगरपालिका-९ अगाउपानीमा छाउगोठमा आगलागी हुँदा आमा र दुई छोराको मृत्यु भएको छ। मृत्यु हुनेमा बुढीन्नदा नगरपालिका-९ अगाउपानीकी ३५ वर्षीया अम्बा बोहरा र उनका छोराहरू ९ वर्षीय छोरा सुरेश बोहरा र ७ वर्षीय रमित बोहरा रहेको बुढीनन्दा-९ का वडाध्यक्ष खड्क बोहराले जानकारी दिएका छन्।
घरभन्दा १ सय मिटर टाढा रहेको छाउगोठमा, छाउ भएकी अम्बा र उनका छोराहरू ४ दिनदेखि सुत्दै आएका थिए। मंगलबार राति उनीहरू छाउगोठमा सुतिरहेका ब्लांकेटमा आगो सल्किएर आगलागी भएको हुन सक्ने वडा अध्यक्ष बोहराले बताए।
घटनास्थलमा अहिले प्रहरी नायव उपरीक्षक उद्वब सिंह भाटसहितको टोली गएको जिल्ला प्रहरी कार्यालय बाजुराका प्रहरी सहायक निरीक्षक लोकेन्द्र सिँह गुरूले बताएका छन।
प्रतिक्रिया दिनुहोस !
