कर्णालीका कैदी बन्दीलाई पुस्तक

कर्णालीका कैदी बन्दीलाई पुस्तक

जुम्ला : कर्णाली प्रदेश सरकारले कर्णालीका १० जिल्लामा रहेका १० वटा कारागारका कैदीबन्दीका लागि पुस्तक अभियान सञ्चालन गरेको छ ।

विभिन्न मुद्दामा वर्षौँदेखि कारागारमै रहँदैआएका बन्दीहरुलाई अध्ययनका लागि पुस्तक वितरण अभियान ल्याइएको हो । कर्णाली प्रदेश सरकारले जुम्लाबाट संचालन गरेको यस अभियानलाई देशकै नमुना कार्य दावी गरेको छ । ‘कारागारका बन्दीहरुको अर्को संसार कहाँ छ ? त्यो संसार किताबमा छ”

नाम दिइएको यस अभियान बुधबार जुम्लामा एक औपचारिक कार्यक्रमबीच उद्घाटन गरियो । ‘कैदी बन्दीलाई अपराधीका रुपमा मात्र हेरिन्छ, जसले गर्दा उनीहरुलाई हिनताबोध हुन्छ,’ डिएसपी सीताराम रिजालले भने, ‘उनीहरुको मानसिक अवस्था परिवर्तनका लागि पुस्तक अध्ययन गर्न जरुरी छ ।’

कला साहित्य, जीवन संघर्ष, आमसञ्चार, मानव अधिकार, कानुन, राजनीति लगायतका पुस्तक कैदी बन्दीलाई वितरण गरिने बताइको छ । अभियान अन्तरगत कर्णाली प्रदेशका डिआईजीमार्फत कैदी बन्दीलाई पुस्तक हस्तान्तरण गरिने कार्यक्रम छ ।

पुस्तक वितरण अभियानबाट पहिलो पटक जुम्ला कारागारमा रहेका ७७ जना कैदीबन्दी लाभान्वित हुने छन् । कारागारमा पुस्तकालय व्यवस्थापनका लागि योजना समेत बनाइने जिल्ला प्रहरी कार्यालयले निर्देशन दिएको बताएको छ । कारागारमा पुस्तक अभियान सञ्चालनका लागि डिएसपीको संयोजकत्वमा सरोकारवाला समेटिने गरी ११ सदस्यीय पहल समिति पनि गठन गरिएको छ । समितिले पुस्तक हस्तान्तरणका लागि पुस्तक संकलन गरिरहेको बताएको छ ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.