सिरहा : सिरहा प्रहरीले सोमबार जिल्लाको फरक फरक स्थानबाट लागुऔषध र भारतबाट नेपाल तस्करी भइरहेका कुखुरा समातेका छन् । प्रहरीले मिर्चैया नगरपालिका ७ फुलबरियाबाट चेकजाँचको क्रममा सोही नगरपालिका ६ का २१ वर्षीय विष्णु यादवलाई लागुऔषध सहित पक्राउ गरेको छ ।
स६प २०६९ नम्बरको मोटरसाइकलमा सवारी भइ आइरहेका यादवलाई रोकी चेकजाँच गर्दा उनको साथबाट डाइलेक्स डिसी ९४ बोतल, नाइट्रोजन ट्याब्लेट १३ पिस, रिडले ट्याब्लेट ३ पिस तथा १३ हजार ३६५ नेपाली रुपैयाँ बरामद गरेको छ ।
लागुऔषधसहित पक्राउ परेका यादवलाई लागुऔषध मुद्दामा म्याद थप गरी अनुसन्धान प्रक्रिया अगाडी बढाएको जिल्ला प्रहरी कार्यालय सिरहाका प्रवक्ता डिएसपी माधवराज खरेलले जानकारी गराए ।
त्यसैगरी प्रहरीले सीमावर्ती क्षेत्र सिरहा नगरपालिका १५ बुधौराबाट अवैध रुपमा नेपाल भित्रयाइरहेका कुखुरा चल्ला बरामद गरेको छ । प्रहरी टोलीले बा१७च १२४ नम्बरको म्याजिक गाडी रोकी चेकजाँच गर्दा बिल भरपाई बिना अवैध बोयलर कुखुराको १४ सय वटा २ लाख बराबरको चल्ला भेटिएको थियो ।
म्याजिक र चल्लासहित सिरहा नगरपालिका १ बस्ने २३ वर्षिय सन्तोष यादवलाई पनि पक्राउ गरेको छ । थप अनुसन्धानका लागि भन्सार कार्यालयमा बुझाएको प्रहरी प्रवक्ता डीएसपी खरेलले बताए ।
प्रतिक्रिया दिनुहोस !
