अन्नपूर्णका प्रधान सम्पादक थापालाई गोविन्द वियोगी पत्रकारिता पुरस्कार
माघ २, २०७५ बुधबार १८:५०:०
काठमाडौं : सम्पादक समाज नेपालले यस वर्षको ‘गोविन्द वियोगी पत्रकारिता पुरस्कार–२०७५’ अन्नपूर्ण पोस्ट् दैनिकका प्रधान सम्पादक हरिबहादुर थापालाई प्रदान गर्ने भएको छ ।
यस्तै ‘गोविन्द वियोगी विशेष पत्रकारिता पुरस्कार–२०७५’ ईमेज च्यानल टेलिभिजनका समाचार सम्पादक डिल्लीराम बसेललाई प्रदान गरिने भएको छ ।
सम्पादक समाज नेपालले विज्ञप्ति जारी गर्दै यस्तो जानकारी गराएको हो । यस्तै वरिष्ठ पत्रकार हरिहर विरही र रघुजी पन्तलाई ‘वरिष्ठ पत्रकार’बाट सम्मानित गर्ने निर्णय गरेको पनि बताइएको छ ।
सम्पादक समाज नेपालका संस्थापक अध्यक्ष गोविन्द वियोगीको स्मृतिमा स्थापना गरिएका पुरस्कारको राशी क्रमशः २५,००१।— र १५,००१।— रहेको छ ।
उक्त पुरस्कार तथा सम्मान अघिल्ला वर्ष झैँ यस वर्ष पनि गोविन्द वियोगीको स्मृति दिवसको अवसरमा हस्तान्तरण गरिने छ ।
१४ औं गोविन्द वियोगी स्मृति दिवसको अवसरमा यही माघ ५ गते शनिबार पूर्वप्रधानमन्त्री माधवकुमार नेपालले पुरस्कार तथा सम्मान प्रदान गर्ने कार्यक्रम रहेको समाजका महासचिव श्याम डोटेलले बताए ।
प्रतिक्रिया दिनुहोस !
