भन्सार छलेर भित्र्याइएका १६ लाख ६५ हजार बराबरको सामग्री बरामद
माघ ३, २०७५ बिहीबार १९:२:०
धनगढी : भन्सार छलेर ल्याउँदै गरेका १६ लाख ६५ हजार रुपैयाँ बराबरको सामग्री सशस्त्र प्रहरीले बरारमद गरेको छ ।
सशस्त्र प्रहरी बलको राष्ट्रिय भन्सार सुरक्षा कैलाली ५३ नम्बर गुल्मले बिहीबार ६ थान पानी तान्ने मोटर र गाडी सहित सो रकम बराबरको सामग्री बरामद गरेको हो ।
सामान सहित धनगढी–१३ का ३५ वर्षीय अनिल शर्मा र सवारी चालक अर्जुन रानालाई धनगढी–२ मिलन चोकबाट पक्राउ गरी भन्सार कार्यालयमा बुझाएको छ । सामग्री ल्याउन प्रयोग गरिएको से १ च १७६० नम्बरको टाटा एक्सेनन गाडी पनि प्रहरी नियन्त्रणमा छ ।
५३ नम्बर गुल्मका गुल्मपति सशस्त्र प्रहरी नायव उपरीक्षक देवबहादुर चन्दका अनुसार बरामद गरिएका सामग्री त्रिनगर भन्सार कार्यालयमा बुझाइएको छ ।
प्रतिक्रिया दिनुहोस !
