स्याङ्जा : १६ वर्षीया बालिकालाई सामूहिक रुपमा जवरजस्ती करणी गरेकोे अभियोगमा ४ जनालाई प्रहरीले प्रक्राउ गरेको छ ।
शुक्लागण्डकी नगरपालिका–४ का विजय श्रेष्ठ, अन्जन श्रेष्ठ र सिन्धुली पिलमाडी गाँउपालिका–३ घर भई शुक्लागण्डकी तनहुँ बस्ने विक्रम राईलाई सामूहिक बलात्कारको अभियोगमा जिल्ला प्रहरी कार्यालय स्याङ्जाले पक्राउ गरेको हो ।
माघे संक्रान्तिका दिन फोन मार्फत बोलाएर सामूहिक रुपमा जवरजस्ती करणी गरेको अभियोग उनीहरुमाथि छ । माघे संक्रान्तिका दिन राति स्याङ्जाको बिरुवा गाउपालिका ५ स्थित छेउडाडाँमा बोलाई थापा लगायत अन्य ४ जनाले सामुहिक जवरजस्ती करणी गरेको प्रहरीले जनाएको छ ।
आरोपी समूहले प्रयोग गरेको ग ४ प ४३९५ र ग ४ प ७९०७ नम्बरका मोटरसाइकल समेत प्रहरी नियन्त्रणमा रहेको प्रहरी निरीक्षक विजयकुमार सिंहले जानकारी दिए ।बालिकालाई करकापमा पारेर डरधम्की देखाइ पालैपालो जवरजस्ती करणीपछि भागेका उनीहरुलाई प्रहरीले पक्राउ गरेको बताएको छ । फोन सम्पर्क गरी विरुवा गाउँपालिका स्थित छेउडाँडा भन्ने स्थानमा बालिकालाई बोलाएर जवरजस्ती करणी गरेको प्रहरी अनुसन्धानले देखाएको छ ।
प्रतिक्रिया दिनुहोस !
