कबड्डी प्रतियोगिता : वद्या सदन र कन्चनजंघाको विजयी सुरुवात
माघ ४, २०७५ शुक्रबार २१:२५:०
वीरगन्ज : विद्या सदन मावि र कन्चनजंघा माविले वीरगन्जमा आयोजित अन्तर विद्यालय स्तरीय कबड्डी प्रतियोगितामा विजयी सुरुवात गरेका छन् ।
वीरगन्जस्थित संघीय प्रहरी इकाई कार्यालयको खेल मैदानमा शुक्रबारदेखि सुरु प्रतियोगिताको पहिलो खेलमा विद्या सदन र कन्चनजंघा माविले विजयी सुरुवात गरेका हुन्।
उद्घाटन खेलमा छात्रतर्फ विद्यासदन माविले जिएच माविको बी टिमलाई पराजित गर्यो। निर्धारित ४० मिनेटको खेलमा विद्यासदन माविले ८४ र जिएचपी माविको बी टिमले ३५ अंक प्राप्त गरेको हो। उद्घाटन खेलको म्यान अफ दी म्याच विद्या सदनका कप्तान फौवाद आलम घोषित भए।
छात्रतर्फ नै भएको दोश्रो खेलमा कन्चनजंघा माविले जिएचपी माविको ए टिमलाई पराजित गरेको हो। निर्धारित समयको खेलमा कन्चनजंघाले ७९ र जिएचपी ए टिमले १४ अंक प्राप्त गर्यो। उक्त खेलको म्यान अफ दी म्याच कन्चनजंघका दिलसाद आलम घोषित भए।
शुक्रबार नै भएको छात्रातर्फको खेलमा वीरगन्ज पब्लिक स्कुलको ए टिम विजयी भएको छ। वीरगन्ज पब्लिक स्कुलको ए टिमले एन्जल इन्टरनेशनल स्कुललाई पराजित गरेको हो।
वीरगन्ज पब्लिक स्कुलको ए टिमले ४२ अंक प्राप्त गर्दा एन्जल स्कुलले भने १० अंकमा नै चित्त बुझाउनु पर्यो। उक्त खेलको म्यान अफ दी म्याच वीरगन्ज पब्लिक स्कुलको ए टिमकी श्रुती परियार घोषित भइन्।
प्रतियोगितामा शनिबार छात्र र छात्राको गरी पाँच खेल हुनेछन्। माघ १० गतेसम्म चल्ने प्रतियोगितामा छात्र र छात्रा गरी विभिन्न विद्यालयका २० टिम सहभागी छन्।
प्रतिक्रिया दिनुहोस !
