ललितपुर : गोदावरी नगरपालिका-३ स्थित फुल्चोकी जंगलमा आइतबार घुम्न गएको अवस्थामा तीनजना हराए । यसअघि यही जंगलमा मुलबाटो भुलेर अन्यत्र जाँदा १६ जना हराएका थिए । उनीहरुको ललितपुर प्रहरीले रातभर खटिएर उद्धार गरिएको थियो ।
आइतवार हराएका यी तीनजनालाई पनि प्रहरीले सकुशल उद्धार गरी अभिभावकको जिम्मा लगाएको छ । फुल्चोकी जंगलमा हराएर उद्दार गरिएकामा नयाँबजार बस्ने नुवाकोटकी १८ वर्षीया मल्लिका तामाङ र १७ वर्षीया मुस्कान तामाङ छन् ।
त्यसैगरी काठमाडौंको क्षेत्रपाटी बस्ने महोत्तरीका १९ वर्षीय अभिलेखप्रसाद साहलाई पनि उद्धार गरिएको छ । उनीहरु सबैलाई महानगरीय प्रहरी प्रभाग बाँडेगाँउबाट खटिएको टोलीले गोदावरी बसपार्कबाट करिब ९ किलोमिटर टाढा फुल्चोकी जंगलको खोँचमा फेला पारेको हो ।
प्रतिक्रिया दिनुहोस !
