वालिङ : स्याङ्जाको वालिङ नगरपालिका अन्तर्गत सिद्धार्थ राजमार्गको गाहाखोला नजिकै गुडिरहेको ट्रकमाथि ढुंगा खस्दा चालकको मृत्यु भएको छ।
ढुंगाले लागेर गम्भीर घाइते भएका पुतलीबजार नगरपालिका ३ का २८ वर्षीय प्रेम शर्माको स्थानीय स्वास्थ्य चौकीमा उपचारका क्रममा मृत्यु भएको हो।
उनलाई उपचारका लागि प्राथमिक स्वास्थ्य केन्द्र वालिङ पुर्याएपछि स्वास्थ्यकर्मीले मृत घोषणा गरेका हुन्।
वालिङबाट बुटवलतर्फ जाँदै गरेको ग १ क ३७७२ नम्बरको ट्रकमाथि गुडिरहै अवस्थामा ढुंगाले लागेको थियो।
चालकसहित तीनजना रहेको ट्रकमा सवार अन्य दुईजना भने सकुसल छन्।
प्रतिक्रिया दिनुहोस !
