बागलुङ : बाग्लुङको निसीखोलामा आगोले पोलेर एक महिला घाइते भएकी छिन्। निसीखोला गाउँपालिका–२ सिडिनीकी ३३ वर्षीय फुर्सी विकले मंगलबार साँझ गोठमा ताप्नका लागि आगो सल्काएकी थिइन्। उनी आगो बालेरै सुतेेपछि अचानक आगो फैलिएको हो।
आगलागीबाट विकको अनुहारका विभिन्न भागमा पोलेको निसीखोला गाउँपालिका वडा नम्बर २ का अध्यक्ष कुविर विकले जानकारी दिए। ‘जाडोको समयमा आगो तापेर साँझ खाना खाएर सुतेका थियौ,’ विकले भनिन्,‘राति आगोले पोलेपछि मात्र गोठमा आगलागी भएको थाहा पाएँ, बालबच्चालाई सकुशल उद्धार गरेँ तर आगो नियन्त्रण गर्छुभन्दा केही भागमा पोलेको छ।’
आगलागीबाट विकको खरको गोठ पूर्ण रुपमा जलेर नष्ट भएको छ। घटनाको स्थलगत अध्ययन गरेर वडा कार्यालले केही राहत प्रदान गर्ने अध्यक्ष विकले बताए।
प्रतिक्रिया दिनुहोस !
