जुम्ला : चोरी तथा लागुऔषध ओसारपोसारमा संलग्न जुम्लाका चार युवा पक्राउ परेका छन्।सदरमुकाम खलंगाका पसलमा मंगलबार राति चोरी गर्ने तयारीमा हिँडेको आरोपमा प्रहरीले तीन युवा र लागुऔषध ओसारपोसारमा संलग्न एक युवा गरी चारजनालाई पक्राउ गरेको हो।
चोरी आरोपमा पक्राउ पर्नेहरुमा १८ वर्षीय प्रकाश बुढा, दिपक बुढा र खड्कसिंह कठायत रहेका छन्।आरोपित व्यक्ति राति ताला फोड्ने हेक्सा ब्लेड (आरा) बोकेर हिँडेको अवस्थामा प्रहरीले फेला पारेको हो।यसअघि सदरमुकाम खलंगास्थित दुईवटा पसलबाट शुक्रबार राति लाखौंको मदिरा समेत चोरी भएको थियो।
यस्तै हिमा गाउँपालिका -२ का २२ वर्षीय जेनराज भन्ने जंगली शाहीलाई तिला गाउँपालिका- १ नाग्म सडक खण्डमा लागुऔषध ओसारपसार गरेको आंशकामा सोमबार नाग्मघाटबाट पक्राउ गरीएको जिल्ला प्रहरी कार्यालयका दिलिप शाहले जानकारी दिए।त्यसैगरी गतसाता मात्रै ब्रहाउन सुगरसहित दुईजना जुम्ली युवा पक्राउ परेका थिए भने एकजना फरार सूची मा छन्।
प्रतिक्रिया दिनुहोस !
