काठमाडौं : स्टक डिलरको काम गर्न प्रबन्धपत्र नियमावली तयार भइसकेको छ । प्रबन्धपत्र नियमावली पास भएर आएपछि नागरिक लगानी कोषले सहायक कम्पनी स्थापना गरी स्टक डिलरको कार्य सम्पादन गर्ने तयारी थालेको हो ।
हाल उक्त प्रबन्धपत्र अर्थ मन्त्रालयमा पुगेको छ । कोषका कार्यकारी निर्देशक रमण नेपालले आगामी बैशाखदेखि स्टक डिलर संचालन आउने गरी कोषले कार्यसम्पादन अघि बढाएको बताए । कोषले यसका लागि नयाँ सफ्टवेयरहरू अपग्रेट गरिरहेको छ ।
‘यसका लागि कोषले आवश्यक नीतिगत तथा भौतिक संरचना तयार गरिरहेको छ,’ उनले भने, ‘यसका अतिरिक्त पूँजीबजार विस्तारका लागि अन्य संस्थासँग सहकार्य गरी मध्यम र दीर्घकालीन स्वरूपका बण्ड डिबेञ्चरको निष्कासन प्रबन्धकको कार्य गर्ने पनि कार्यकारी निर्देशक नेपालले बताए ।
कोषले स्टक डिलर संचालनमा ल्याएपछि तिब्र रुपमा घट्दै आएको सेयर बजारमा स्थायित्व आउने सम्बन्ध क्षेत्रका विज्ञहरूले बताएका छन् । कोषले पूँजी बजारमा विदेशी लगानी भित्र्याउन मिल्ने गरीे ऐन समेत परिमार्जन गर्न लागेको छ ।
प्रतिक्रिया दिनुहोस !
