स्याङ्जा : कालीगण्डकी गाउँपालिका ५ बेल्टारीस्थित कालीगण्डकी ए पावर हाउसभित्रको बिजुली बत्ती उपयोग गर्न पाउँ भन्दै स्थानीयबासीले धर्ना दिएका छन्। उनीहरुले सडक खण्ड पनि अवरुद्ध पारेका छन्।
बिजुलीको प्रयोग गर्न पाउनुपर्ने लगायतका ४ बुँदे माग राख्दै कालीगण्डकी जलविद्युत उत्पादन गृहको प्रमुख प्रवेशद्धारमा धर्ना गर्दै स्थानीयले शनिबार सडक अवरुद्ध गरेका हुन्। ‘कालीगण्डकी ए जलउत्पादन केन्द्रमार्फत उत्पादित बिजुली नियमित आउने गरी बेल्टारीबासीलाई दिनुपर्ने, सो क्षेत्र वरपरका सडक कालोपत्रे गरिनुपर्ने, सडकमा बत्ती राखिनुपर्ने र सिंचाई गरिनुपर्ने लगायतका मागलाई कार्यान्वयन गर्नुपर्ने माग रहेको कालीगण्डकी गाउँपालिकाका अध्यक्ष खिमबहादुर थापाले बताए।
‘स्थानीयबासीले आफूलाई जानकारी नै नदिइ एक्कासी गेटमा धर्ना बसे र सडक अवरुद्ध पारे’ कालीगण्डकी ए उत्पादन केन्द्रका प्रमुख राजेश पाण्डेले भने ‘स्थानीयबासीका माग पूरा हुने क्रममा छ। ट्रान्सफर्मर मेशिन जडान भैसको छ। थप वार्ता र छलफलका लागि म तयार छु।’अहिले दुबै पक्षका टोली गठन भएर वार्ता सुरु गर्ने तयारी भइरहेको जनाइएको छ।
प्रतिक्रिया दिनुहोस !
