दुनै,डोल्पा : सदरमुकाम दुनैबाट प्रहरीले घोरलको एउटा बच्चाको उद्धार गरेको छ । बिहानै दुनै बजारको लाउचा डाँडाबाट पानी पिउन भेरीमा झरेको घोरलको पाठीलाई कुकुरले लखेटिरहेका बेला प्रहरीले उद्धार गरेको हो ।
करिब ६ महिना जतिको घोरलको पाठी भेरीमा हाम फालेपछि त्यहाँबाट निकालेर उद्धार गरि जिल्ला प्रहरी कार्यालयमा सुरक्षित राखिएको छ । कुकुरले लखेट्दा सामान्य चोट लागेको या पाठीलाई उपचारपछि जिल्ला वन कार्यालयमार्फत् वनमा छाडिने प्रहरी नायव उपरीक्षक अबदेश बिष्टले जानकारी दिए ।
निरन्तरको हिमपातले उच्च क्षेत्रमा आहारा छोपिएपछि चरणकै लागि वन्यजन्तु यतिबेला तल झर्ने गर्छन् । त्यहीक्रममा घोरलको पाठीलाई कुकुरले भेट्टाएका हो ।
हिमपातको बेलामा मृग, घोरल, कस्तुरी र डाँफे गाउँसम्म आउने गर्छन् । वन अधिाकरी, निकुञ्जका कर्मचारी र प्रहरीले फेला नपारे मारिने गरेको जिल्ला वन कार्यालयले जनाएको छ ।
सोमबार बिहान प्रहरीले उद्धार गरेको ६ महिने घोरलको पाठी ।
प्रतिक्रिया दिनुहोस !
