काठमाडौँ : संयुक्त अरब इमिरेट्स (युएई) विरुद्धको तीन खेलको एक दिवसीय अन्तर्राष्ट्रिय सिरिज नेपालले जित्दा कप्तान पारस खड्का सर्वोत्कृष्ट खेलाडी भएका छन् । नेपालले युएईविरुद्ध दुबईस्थित आईसिसी क्रिकेट एकेडेमीमा भएको सिरिज २–१ ले आफ्नो पक्षमा पार्दा कप्तान खड्का प्लेयर अफ दि सिरिज घोषित भए ।
ऐतिहासिक एक दिवसीय अन्तर्राष्ट्रिय सिरिज जि नेपाललाई जिताउन निर्णायक भूमिका खेलेका पारस प्लेयर अफ दि सिरिज भएका हुन् । पारसले सिरिजको तेस्रो एक दिवसीयमा १०९ बलको सामना गर्दै ११५ रन बनाएका थिए । उनी नेपालका लागि एकदिवसीय अन्तर्राष्ट्रिय खेलमा सतक बनाउने पहिलो खेलाडी पनि भए ।
पारसले योसहित ५० ओभरको खेलमा चौथो सतक बनाइसकेका छन् । पारसले ९६ बलमा सतक बनाएका थिए । तेस्रो क्रममा आएका उनले आफ्नो पारीमा १५ छक्का र एक चौका पनि हाने । पारसले एकदिवसीय अन्तर्राष्ट्रिय दुई अर्धशतक पनि बनाएका छन् ।
कप्तान पारसले तीन खेलको सिरिजमा कुल १५६ रन बनाए । सिरिजमा उनी सर्वाधिक रन बनाउने खेलाडी समेत बने । उनले पहिलो खेलमा २० रन बनाएका थिए भने दोस्रो खेलमा २१ रन बनाएका थिए । अन्तिम खेलमा भने ११५ रन बनाउँदै शतक प्रहार गरेका थिए । बलिङतर्फ पनि कप्तान पारस चार विकेट लिएका थिय ।
प्रतिक्रिया दिनुहोस !
